Ishq Me Hara Hoa Hon | Ghazal | Sarak Khan Sarak

Ishq Me Hara Hoa Hon | Ghazal | Sarak Khan Sarak

Ghazal in Urdu

عشق میں ہارا ہوا ہوں کامرانی کچھ نہیں 

میرے حصہ میں صنم کی مہربانی کچھ نہیں 

چھوڑ کر تتلی گئی ہے جب سے دل کے باغ کو 

دل میں بس ویرانیاں ہیں رت سہانی کچھ نہیں 

کشتی سے بچھڑا جو دریا اب تلک صدمے میں ہے 

جم گئی ہے برف اس میں اور روانی کچھ نہیں 

آئینے کو حیرتیں ہے حال میرا دیکھ کر 

داغ چہرے پہ ہے میرے نوجوانی کچھ نہیں 

خط جلائے میں نے سارے جو دئیے تھے یار نے 

پاس میرے اس کی صاحب اب نشانی کچھ نہیں 

خلوتوں کے سائے میں ہوں یار اک مدت سے میں 

چار سو ہے بس اداسی شادمانی کچھ نہیں 

ڈاکیہ ہی تھے کبوتر پہلے موبائل نہ تھا 

باتیں ساری خط سے کی تھیں منہ زبانی کچھ نہیں 

بن ترے کیسے کہوں اب کس طرح بتلاؤں میں 

سانس چلتی ہے فقط یہ زندگانی کچھ نہیں 

مدتیں گزری ہیں سارقؔ یار کو دیکھے ہوئے 

کیا کریں لب سے بیاں اب خوش بیانی کچھ نہیں

سارک خان سارک

 ​​

Full Ghazal Image