Mujhko To Hosh Nahi Tumko Khabar Ho Shayad | Josh Malih Abadi

Josh Malih Abadi best and famous urdu ghazal mujhko to hosh nahi tumko khabar ho shayad read here complete ghazal in urdu Hindi. 

سوز غم دے کے مجھے اس نے یہ ارشاد کیا 

جا تجھے کشمکش دہر سے آزاد کیا 

وہ کریں بھی تو کن الفاظ میں تیرا شکوہ 

جن کو تیری نگہ لطف نے برباد کیا 

دل کی چوٹوں نے کبھی چین سے رہنے نہ دیا 

جب چلی سرد ہوا میں نے تجھے یاد کیا 

اے میں سو جان سے اس طرز تکلم کے نثار 

پھر تو فرمائیے کیا آپ نے ارشاد کیا 

اس کا رونا نہیں کیوں تم نے کیا دل برباد 

اس کا غم ہے کہ بہت دیر میں برباد کیا 

اتنا مانوس ہوں فطرت سے کلی جب چٹکی 

جھک کے میں نے یہ کہا مجھ سے کچھ ارشاد کیا 

میری ہر سانس ہے اس بات کی شاہد اے موت 

میں نے ہر لطف کے موقع پہ تجھے یاد کیا 

مجھ کو تو ہوش نہیں تم کو خبر ہو شاید 

لوگ کہتے ہیں کہ تم نے مجھے برباد کیا 

کچھ نہیں اس کے سوا جوشؔ حریفوں کا کلام 

وصل نے شاد کیا ہجر نے ناشاد کیا 

جوش ملیح آبادی

--------------------------------------------------------

You Might Also Like:

*Ahmad Faraz Best Urdu Poetry

*Faiz Ahmad Faiz Best Poetry